Ks Ali Demi - JAVA KUNDER DISKRIMIN...

JO diskriminimit, Po barazisë, turne futbolli në mbështetje të komunitetit rom Nën moton JO diskriminimit, PO barazisë, Shoqata Sportive Minifutbolli Shqiptar, me shumë krenari e përkushtim, bëhet pjesë e FARE NETWORK dhe merr pjesë në muajin kundër diskriminimit. F.A.R.E. NETWORK, një organizatë e lidhur ngushtë me sportin dhe me institucionet më të larta të futbollit në botë si FIFA e UEFA, ka qenë dhe është prej vitesh në krye të luftës kundër diskriminimit e kundër racizmit të çdo lloj forme. Në këtë linjë këtij projekti i bashkohet gjigant edhe Shoqata Sportive Minifutbolli Shqiptar. Gjithmonë me idealin që sporti ndihmon mirëqenien fizike e sociale. Në muajin (e shpallur nga FARE NETWORK) kundër diskriminimit e pro barazisë, me shumë përkushtim organizojmë në datat 28-29 tetor 2018, në bashkëpunim me Klubin Sportiv Ali Demi, turneun dyditor ''JO DISKRIMINIMIT, PO BARAZISË', një turne futbolli me fëmijët e komunitetit rom dhe fëmijët e Klubit Sportiv Ali Demi. Ks Ali Demi është një nga klubet me traditë për sa i përket futbollit të fëmijëve. Akademia Ks Ali Demi është ndër më të suksesshmet në vendin tonë. Gjithashtu gëzon të vetmin binjakëzim që një akademi futbolli shqiptare ka me një klub europian. Prej dy vitesh Ks Ali Demi është e vetmja akademi e huaj e binjakëzuar me Torino Football Club në Itali. Me eksperiencën e shoqatës sonë dhe përgatitjen e Ks Ali Demi e duke u mbështetur nga Komiteti Olimpik, Bashkia e Tiranës me Kryetarin Erion Veliaj, që ka qenë gjithmonë i pari në luftën kundër diskriminit e në mbrojtje të komunitetit rom. Me bindjen e plotë që do të kalojmë 2 ditë të mrekullueshme nën shenjën e sportit, të gëzimit e të haresë. Me respekt Ergys KADIU Klodian KADIU Shoqata Sportive Minifutbolli Shqiptar Rr. Ali Demi 1, 1001 Tiranë